Bakıdan Təl-Əviv istiqamətinə uçan sərnişin təyyarəsi hava məkanındakı məhdudiyyət səbəbindən geri dönərək paytaxta eniş edib.

Məlumata görə, reys İsrail hava məkanının müvəqqəti bağlanması səbəbindən marşrutunu davam etdirə bilməyib və təhlükəsizlik qaydalarına uyğun olaraq yenidən Bakıya istiqamət alıb. Təyyarə Heydər Əliyev Beynəlxalq Hava Limanına problemsiz eniş edib.

Hadisə ilə bağlı aviaşirkət sərnişinlərə əlavə məlumat veriləcəyini və uçuş cədvəlində mümkün dəyişikliklərlə bağlı operativ bildirişlərin ediləcəyini açıqlayıb.

Qeyd edək ki, son günlər regionda artan gərginlik hava nəqliyyatına da təsir göstərməkdədir. Bir sıra beynəlxalq reyslərdə ləngimə və marşrut dəyişiklikləri qeydə alınıb.