Spainın şimal-qərbində yerləşən Galicia muxtar bölgəsində tamamilə tərk edilmiş bir kənd 150 min avroya satışa çıxarılıb.

Məlumata görə, A Coruña vilayətində yerləşən və illərdir yaşayış olmayan kənddə bir neçə ənənəvi daş ev, təsərrüfat tikililəri və geniş torpaq sahəsi mövcuddur. Kəndin 1970-ci illərdən sonra əhalinin köçü səbəbindən boş qaldığı bildirilir.

Satışa çıxarılan əraziyə yaşayış üçün yararlı vəziyyətə gətirilə biləcək evlər, həmçinin kənd təsərrüfatı və ya turizm layihəsi üçün potensial imkanlar daxildir. Mütəxəssislərin fikrincə, belə obyektlər son illər kənd turizmi və ekoloji istirahət layihələri üçün investorların diqqətini cəlb edir.

Qeyd olunur ki, qiymət əvvəl daha yüksək olsa da, alıcı marağını artırmaq məqsədilə 150 min avroya endirilib.
Hazırda kənd yeni sahibini gözləyir.