Tanınmış xanəndə Elnarə Abdullayeva Musavat.com-a açıqlamasında illər əvvəl iştirak etdiyi toy zamanı diqqət çəkən bir məqamı xatırladıb. Belə ki, sənətçi toyun keçirildiyi kənddə yolların vəziyyətinin bərbad olduğunu görərək, kənd sakinlərinə belə müraciət etmişdi: “Mənə 7 min verəcəyinizə, gedib kəndin yolunu çəkdirərdiniz də...”
Elnarə Abdullayeva bildirib ki, hadisə illər əvvəl baş verib və söhbət konkret yol problemindən gedirdi: “Orada yolda müəyyən çətinliklər var idi. Dedim ki, elə bunları həll edərdiniz də, məni niyə çağırırdınız”, – deyə sənətçi gülərək qeyd edib.
Xanəndə həmçinin vurğulayıb ki, problemlər yetərincədir və insanların bu məsələlərə diqqət ayırması vacibdir: “Vallah, o qədər problemlər var ki... Camaatımız sağ olsun”