Türkiyənin Milli Kəşfiyyat Təşkilatının (MİT) rəhbəri İbrahim Kalın Qəzza zolağında atəşkəs razılaşmasının ikinci mərhələsinin icrası ilə bağlı HƏMAS hərəkatının Siyasi Büro üzvü Xəlil əl-Heyanın rəhbərlik etdiyi nümayəndə heyəti ilə görüş keçirib.
Realmedia xəbər verir ki, bu barədə “TRT Haber” məlumat yayıb.

Görüş zamanı Qəzza zolağının tənzimlənməsi prosesində Türkiyənin vasitəçilik rolu, Misirin Fələstin anklavı ilə sərhədində yerləşən Rəfah keçid məntəqəsinin açılması, eləcə də Fələstin Qəzza İdarəetmə Komitəsinin fəaliyyəti ilə bağlı məsələlər ətrafında fikir mübadiləsi aparılıb.

Bundan əlavə, HƏMAS nümayəndə heyəti Qəzzada sülhün təmin olunması istiqamətində göstərdiyi səylərə görə Türkiyə Prezidenti Rəcəb Tayyib Ərdoğana təşəkkür edib.