🥀 Ermənistanın hərbi təcavüzü nəticəsində itkin düşən Azərbaycan vətəndaşlarının yeni statistikası açıqlanıb [xfgiven_qirmizi] [xfvalue_qirmizi] [/xfgiven_qirmizi]
Ermənistanın Azərbaycana qarşı hərbi təcavüzü nəticəsində I Qarabağ müharibəsində 4 003 nəfər itkin düşmüş, əsir və ya girov götürülmüş şəxs kimi qeydiyyata alınıb. Onlardan 3 221 nəfəri hərbçi, 782 nəfəri isə mülki şəxsdir.
Realmedia.info xəbər verir ki, bu barədə Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.
Məlumata əsasən, şəxsiyyəti müəyyən edilən 226 itkin-şəhidin nəşi ailələrinə təhvil verilib.
Bundan əlavə, I Qarabağ müharibəsi dövründə 1 702 nəfər əsir və girovluqdan azad olunub.
Vətən müharibəsi ilə bağlı statistikaya görə isə 6 hərbçi hazırda itkin düşmüş şəxs kimi qeydiyyatdadır. Həmçinin 29 nəfər əsir və girovluqdan azad edilərək ailələrinə qovuşub.
Dövlət Komissiyası itkin düşmüş şəxslərin taleyinin müəyyənləşdirilməsi istiqamətində axtarış və araşdırma tədbirlərinin davam etdirildiyini bildirib.
