Xocalıya qayıdanlar arasında 10 övladlı ailə də var [xfgiven_qirmizi] [xfvalue_qirmizi] [/xfgiven_qirmizi]
Bu gün Xocalıya qayıdan sakinlər arasında 10 övladlı ailə də yer alıb.
Realmedia.info xəbər verir ki, Xocalı sakini, keçmiş məcburi köçkün, 1981-ci il təvəllüdlü Anar Zakir oğlu Buludxanov 12 nəfərlik ailəsi ilə birlikdə rayonun Təzəbinə kəndində yeni bərpa olunmuş evinə köçüb.
Anar Buludxanov bildirib ki, illərlə bu günü arzulayıblar və nəhayət, doğma torpaqlarına qayıtmağın sevincini yaşayırlar.
O qeyd edib ki, övladlarının öz yurdlarında təhlükəsiz, firavan və xoşbəxt həyat yaşaması onlar üçün ən böyük qürur və xoşbəxtlikdir.
Qeyd edək ki, işğaldan azad olunmuş ərazilərə “Böyük Qayıdış” proqramı çərçivəsində keçmiş məcburi köçkün ailələrinin mərhələli şəkildə geri dönüşü davam etdirilir.
