Azərbaycan Respublikasının Prezidenti İlham Əliyev minatəmizləmə fəaliyyətində fərqlənən şəxslərin mükafatlandırılması ilə bağlı növbəti Sərəncam imzalayıb.
Realmedia.info xəbər verir ki, sənədə əsasən, ölkə ərazisində, xüsusilə işğaldan azad olunmuş bölgələrdə həyata keçirilən minatəmizləmə işlərində xüsusi xidmətləri olan bir qrup şəxs “Minatəmizləmə sahəsində xidmətlərə görə” medalı ilə təltif edilib.

Siyahıya yüksək rütbəli zabitlər – polkovnik Bağırov Ceyhun Əkbər oğlu, istefada olan polkovnik Daşdəmirov Mehman Qəhrəman oğlu, mayor Məmmədov Süleyman Abdulla oğlu, eləcə də kapitanlar Abdulov Səyahət Namik oğlu və Salahov Nurlan Bilal oğlu daxildir.
Eyni zamanda, digər təltif olunanlar sırasında Ağayev Hüseyn Osman oğlu, Cəfərov Vüsal Nurəddin oğlu, Cəlilov Şahin Səhlədar oğlu, Əliyev Rəşad Radin oğlu, Əliyev Fədai Azər oğlu, Hüseynov Azər Fehruz oğlu, Hüseynov Xaliq Araz oğlu, Hüseynov Namiq Əbdülrəhim oğlu, Hüseynov Nizami Rasim oğlu, İsayev Raqif Deputat oğlu (ölümündən sonra), Qasımov Ruslan Teymur oğlu, Qasım-zadə Orxan Əhməd oğlu, Məmmədov İldırım Məhərrəm oğlu, Məmmədov Kamran Nadir oğlu, Mirzəyev Babək Vəkil oğlu, Namazov Füzuli Hidayət oğlu, Rəhimov Rəhim Naib oğlu, Səfiyev Bəhruz Tofiq oğlu, Süleymanov Həşim Ramiz oğlu və Zülfüqarov Namiq Tofiq oğlu da yer alıb.

Qeyd edək ki, minatəmizləmə fəaliyyəti Azərbaycanın təhlükəsizliyinin təmin olunması və məcburi köçkünlərin doğma torpaqlarına qayıdışının sürətləndirilməsi baxımından mühüm əhəmiyyət daşıyır.