Milli mədəniyyətimizin, ədəbiyyat və incəsənətimizin, Ölkə həqiqətlərinin təbliğində "Azərbaycan Televiziya və Radio Verilişləri" QSC-nin əməkdaşlarının müstəsna xidmətləri var.
Fevralın 14-ü bu Tele - Kanalın fəaliyyətə başlamasının 70 - ci ildönümü tamam oldu. Başda çox hörmətli Rövşən Məmmədov olmaq şərtilə, AzTV-nin bütün işgüzar kollektivini bu əlamətdar gün münasibətilə təbrik edirəm!
Əvəllər bu Tele - kanalın formalaşmasında müstəsna xidmətləri olmuş, sonralar müəyyən səbəblər ucbatından vəfat etmiş insanların ruhları şad olsun. Amin.

Xatırladıram ki, mənim yeganə övladım- Şamilə Sadıxzadə (öncə Ələkbərli) 2024-cü ildə bu Tele - kanalın nəzdində fəaliyyət göstərən Tele- Radio Akademiyasının müdavimi və məzunu oldu. Hazırda "Azərbaycan Televiziya və Radio Verilişləri" QSC-nin İnformasiya Proqramları Studiyasında müxbir olaraq çalışır. Şamilənin və digər müdavimlərin əsl mütəxəssis kimi yetişmələri üçün sədr, dəyərli İnsan Rövşən Məmmədov, Rafiq Həşimov, Telli Pənah qızı, Almaz Mahmud, Sevda Ağazadə, Qəşəm Nəcəfzadə, Namiq Həsənov, Bəxtiyar Balakişiyev (Qaraca), Vəli Əkbər, Elman Əliyev, Vüsal Qaraca, Nazim Məmmədov, Faiq Hüsiyev, Mahir Qəribov, Vüsal Orucov, Gülşən Əkbərova, Gülşən Məmmədova və digər şəxslər var qüvvələri ilə çalışmışlar. Valideyn olaraq həmin şəxslərə, həmçininin, adlarını qeyd edə bilmədiyim digər pedaqoqlara təşəkkür edirəm!

Qeyd etməyi özümə borc bilirəm ki, Şamilə xoşbəxtliyini Ana Televiziyada tapdı. Qızım, 2025-ci il noyabrın 9 -da Azərbaycan Televiziyasının əməkdaşı Nadir Sadıxzadə ilə ailə həyatı qurdu. Həm Nadir, həm də Şamilə Azərbaycan Televiziyasında çalışırlar.

Nə yaxşı ki Azərbaycan Televiziyası var!
Peşə bayramınız mübarək olsun!

Hörmətlə,
Şamil Sabiroğlu,

"Xocalı Soyqırımını Tanıtma" ictimai birliyinin sədri, jurnalist.
Bakı, 14.02.2026.