Azərbaycan Respublikası Nazirlər Kabineti tərəfindən təsdiqlənmiş 2026/2027-ci tədris ili üçün qəbul planına əsasən, orta ixtisas təhsili müəssisələrində “Fiziki tərbiyə müəllimliyi” ixtisası üzrə plan yerləri ayrılmayıb.

Bununla da, cari ildən etibarən kolleclərdə bu ixtisas üzrə tələbə qəbulu aparılmayacaq. Qərar həm ümumi (9 illik), həm də tam (11 illik) orta təhsil bazasını əhatə edir.

Məlumata görə, qəbul planında yer almadığı üçün “Fiziki tərbiyə müəllimliyi” ixtisası üzrə fəaliyyət göstərən müvafiq qabiliyyət imtahanı komissiyaları da bu il təşkil olunmayacaq.

Abituriyentlərə qabiliyyət imtahanları ilə bağlı daha ətraflı məlumat əldə etmək üçün Dövlət İmtahan Mərkəzinin rəsmi nəşrlərini və internet səhifəsini mütəmadi izləmələri tövsiyə olunur.