Bu gün Türk Dünyasının Həmrəyliyi Günü kimi qeyd olunur. Bu tarixi günün ilk dəfə 1944-cü il mayın 3-də Topxana hərbi həbsxanasında, Nihal Atsız, Zeki Velidi Togan, Nehdet Sançar və Reha Oğuz Türkkan başda olmaqla on nəfər məhkum tərəfindən qeyd edildiyi bildirilir.

Azərbaycanda isə bu gün 1992-ci ilin may ayından etibarən rəsmi şəkildə anılır. Həmin il Bakıya gələn nümayəndə heyətinin tərkibində olan Alparslan Türkeş Azadlıq meydanında yüz minlərlə insan qarşısında çıxış edib. Bu çıxış Türk dünyasında birlik və həmrəylik ideyasının güclənməsinə mühüm təsir göstərib.

Türkçülük və milli düşüncə tarixində mühüm rol oynamış azərbaycanlı ziyalılar – Əhməd bəy Ağaoğlu, Əli bəy Hüseynzadə, İsmayıl bəy Qaspıralı, Hüseyn Cavid, Məhəmməd Hadi və digər mütəfəkkirlər Türk xalqları arasında mədəni və ideoloji birliyin formalaşmasına böyük töhfə veriblər.
Onların əsas məqsədi Türk dünyası xalqları arasında mədəni, mənəvi və ideoloji birliyin gücləndirilməsi olub.