Ermənistan–Azərbaycan münaqişəsi dövründə azərbaycanlılara qarşı törədilmiş ən ağır cinayətlərdən biri olan Ağdaban qətliamından 33 il ötür.

Realmedia.info xəbər verir ki, faciə 1992-ci ilin aprel ayında Kəlbəcər rayonunun Ağdaban kəndində baş verib.

Ermənistan silahlı qüvvələri və onlara bağlı dəstələrin hücumu nəticəsində kənd tamamilə yandırılıb və dağıdılıb.
Rəsmi məlumatlara görə, 130 evdən ibarət kənd yerlə-yeksan edilib, 779 nəfər kənd sakini işgəncələrə məruz qalıb, 67 nəfər isə amansızlıqla qətlə yetirilib. Qətlə yetirilənlər arasında qadınlar, uşaqlar və yaşlılar da olub.

Ağdaban faciəsi mülki əhaliyə qarşı törədilmiş ağır cinayət kimi qiymətləndirilir və həmin dövrdə regionda baş verən etnik təmizləmə siyasətinin tərkib hissəsi hesab olunur. Bu hadisə həm də Kəlbəcər rayonunun sonrakı işğalına aparan proseslərin başlanğıc mərhələlərindən biri kimi tarixə düşüb.

Bu gün Azərbaycan xalqı faciə qurbanlarının xatirəsini dərin hüznlə yad edir. Ağdaban qurbanlarının əziz xatirəsi daim anılır və bu cür hadisələrin unudulmaması üçün tarixi yaddaş qorunur.

Allah bütün şəhidlərimizə rəhmət eləsin!