Azərbaycanın müdafiə naziri general-polkovnik Zakir Həsənov Pakistan Silahlı Qüvvələrinin Quru Qoşunlarının Komandanı – Müdafiə Qüvvələrinin rəisi Feldmarşal Seyid Asim Munirə başsağlığı ünvanlayıb.

RealMedia.info xəbər verir ki, bununla bağlı Azərbaycan Müdafiə Nazirliyi məlumat yayıb.

Başsağlığı məktubunda qeyd olunur ki, Pakistan Ordusuna məxsus "Mi-17" tipli helikopterin texniki nasazlıq səbəbindən Müzəffərabad şəhəri yaxınlığında qəzaya uğraması və ekipaj üzvlərinin həlak olması xəbəri dərin kədər hissi ilə qarşılanıb.

"Baş vermiş aviaqəza nəticəsində həlak olanlara Allahdan rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm. Allah rəhmət eləsin", – deyə müraciətdə bildirilir.

Xatırladaq ki, ötən gün Pakistanda ordu aviasiyasına məxsus "Mi-17" helikopteri qəzaya uğrayıb. Hadisə nəticəsində helikopterin göyərtəsində olan bütün şəxslər həyatını itirib.