ABŞ-yə məxsus hərbi helikopter Hörmüz boğazı yaxınlığında qəzaya uğrayıb.

Realmedia.info xəbər verir ki, hadisə ABŞ ordusunun istifadə etdiyi "AH-64 Apache" tipli hücum helikopteri ilə baş verib.

İlkin məlumata görə, qəza nəticəsində helikopterdə olan hər iki ekipaj üzvü sağ qalıb və xilas edilib. Onların sağlamlıq vəziyyəti ilə bağlı ətraflı məlumat açıqlanmayıb.

Hazırda helikopterin hansı səbəbdən qəzaya uğradığı məlum deyil. Hadisənin texniki nasazlıq nəticəsində baş verdiyi və ya helikopterin vurulduğu ehtimalları araşdırılır.

ABŞ hərbi qurumları tərəfindən insidentlə bağlı araşdırmalara başlanıldığı bildirilir.

Qeyd edək ki, Hörmüz boğazı dünya enerji daşımalarının mühüm hissəsinin həyata keçirildiyi strateji əhəmiyyətli bölgələrdən biri hesab olunur və son dövrlər regionda təhlükəsizliklə bağlı gərginlik müşahidə edilir.