Prezident İlham Əliyev su təsərrüfatı və meliorasiya sahəsində səmərəli fəaliyyət göstərən bir qrup şəxsin təltif edilməsi barədə Sərəncam imzalayıb.

Realmedia.info xəbər verir ki, Sərəncama əsasən, su təsərrüfatı və meliorasiya sahəsinin inkişafına verdikləri töhfələrə görə bir sıra əməkdaşlar orden və medallarla mükafatlandırılıblar.

2-ci dərəcəli "Əmək" ordeni ilə Zakir Quliyev və Etibar Məmmədov təltif olunublar.

3-cü dərəcəli "Əmək" ordeni isə Yaşar Bəşirov, Siyah Əliyev, Mehrəli Fərzəliyev, Adil Qafarlı, Əlizadə Nəsirov və Mirkamil Seyidova verilib.

Bundan başqa, 13 nəfər "Tərəqqi" medalı ilə mükafatlandırılıb.

Həmçinin Oktay Rüstəmov "Dövlət qulluğunda fərqlənməyə görə" medalı ilə təltif edilib.

Sərəncam su təsərrüfatı və meliorasiya sahəsində uzunmüddətli və səmərəli fəaliyyət göstərən şəxslərin əməyinin qiymətləndirilməsi məqsədi daşıyır.