Azərbaycan Respublikasının Prezidenti İlham Əliyev Türkiyəyə səfər edib.

Realmedia.info xəbər verir ki, dövlət başçısı 5-ci Antalya Diplomatiya Forumunda iştirak etmək məqsədilə qardaş ölkəyə yollanıb. Səfər Türkiyə Prezidenti Rəcəb Tayyib Ərdoğanın dəvəti ilə baş tutub.

Antalya Beynəlxalq Hava Limanında Prezident İlham Əliyev və birinci xanım Mehriban Əliyeva rəsmi şəxslər tərəfindən qarşılanıblar.

Səfər çərçivəsində iki ölkə liderləri arasında təkbətək görüşün keçirilməsi gözlənilir. Görüşdə Azərbaycan-Türkiyə strateji tərəfdaşlıq münasibətləri və regional məsələlərin müzakirə olunacağı bildirilir.

Qeyd edək ki, Prezident İlham Əliyev Türkiyə tərəfinə ünvanladığı başsağlığı məktubunda Kahramanmaraşda məktəbə silahlı hücum nəticəsində həlak olanlar üçün dərin kədər ifadə edib və hadisəni kəskin şəkildə pisləyib.