ABŞ Prezidenti Donald Tramp Sülh Şurasının Vaşinqtonda keçirilən ilk iclasında çıxış edib.

Realmedia.info xəbər verir ki, Tramp tədbirdə liderlərin ona böyük dəstək verdiyini bildirib:

“Biz, həqiqətən yaxşı iş görürük və bizimlə olan liderlərdən bəziləri mənə çox kömək etdi”.

O, prezidentliyi dövründə 8 münaqişəyə son qoyduğunu qeyd edib və əlavə edib ki, doqquzuncu münaqişənin də yaxın zamanda həll olunacağını düşünür:

“Düşünürəm ki, doqquzuncu da gələcək. Düşünürdük, o, ən asanı olacaq, amma daha çətin oldu. Amma müharibə ilə nəyin asan, nəyin çətin olduğunu heç vaxt bilmirsən”.
Donald Tramp liderlərlə münasibətlərinin yüksək səviyyədə olduğunu vurğulayıb:

“Bizim əla münasibətlərimiz olub və mən bir çox insanla dostlaşmışam. Burada olduğunuz üçün minnətdaram. Bunlar əla insanlardır. Bunlar əla liderlərdir”.