Özünü vəkil kimi təqdim edib dələduzluq edən şəxs həbs olunub [xfgiven_qirmizi] [xfvalue_qirmizi] [/xfgiven_qirmizi]
Özünü vəkil kimi təqdim edərək vətəndaşları aldatmaqda təqsirli bilinən Fuad Əliyev saxlanılıb.
Məlumata görə, Pirallahı Rayon Polis İdarəsinin əməkdaşları tərəfindən keçirilən əməliyyat tədbirləri nəticəsində F.Əliyev tutulub.
Araşdırmalar zamanı onun özünü vəkil kimi təqdim edərək bir vətəndaşa işlə təmin olunacağı vədi verdiyi müəyyən edilib. Vətəndaş həmin vədlərə inanaraq təqsirləndirilən şəxsə 6 350 manat pul verib.
Daha geniş araşdırmalar nəticəsində F.Əliyevin təkcə bu deyil, müxtəlif şəxslərə hüquqi yardım adı altında “xidmətlər” göstərərək onların etibarından sui-istifadə etdiyi və çoxsaylı dələduzluq əməlləri törətdiyi üzə çıxıb.
F.Əliyevə qarşı cinayət işi açılıb və o, məsuliyyətə cəlb edilib. Məhkəmənin qərarı ilə onun barəsində həbs qətimkan tədbiri seçilib.
