Məlumata görə, Şahin Cəlilov və Hidayət Qafarov əvvəlcədən razılaşdıraraq qrup halında metronun “Neftçilər” stansiyası yaxınlığında taksi fəaliyyəti ilə məşğul olan Gülməmməd Bayramovu müştəri kimi avtomobilə mindiriblər. Onlar sürücünü Qaraçuxur qəsəbəsi ərazisinə apararaq maşın daxilində boğmaqla qətlə yetiriblər və daha sonra meyiti basdırıblar.

Hadisəni törədən şəxslər mərhuma məxsus avtomobili hissələrə ayıraraq satıb, əldə etdikləri pulu bölüşüblər.
30 ildən sonra cinayətin üstü açılıb. Aparılan istintaq və qazıntı işləri zamanı meyitin basdırıldığı ərazidə insan sümükləri aşkarlanaraq ekspertizaya təqdim edilib.

Ərazi sakinlərinin sözlərinə görə, qazıntı zamanı ilkin mərhələdə hadisədən xəbərsiz olublar. Daha sonra 1996-cı ildə həmin yerdə cinayət baş verdiyi müəyyən edilib.

Baş Prokurorluq və Daxili İşlər Nazirliyinin birgə məlumatına əsasən, 2026-cı il aprelin 22-də Şahin Cəlilov və Hidayət Qafarov cinayət işi üzrə təqsirləndirilən şəxs qismində cəlb olunub, onlara ittiham elan edilib. Məhkəmənin qərarı ilə hər iki şəxs barəsində həbs qətimkan tədbiri seçilib.

Hazırda cinayət işi üzrə istintaq davam etdirilir.