Realmedia.info xəbər verir ki, hadisə əsasən şəhərin “Kiçik Bazar” adlanan sahil hissəsində müşahidə olunub. Köçəri dəniz quşlarının cəsədləri sahil boyunca müxtəlif nöqtələrdə, xüsusilə iri daşların arasında aşkarlanıb.

Yerli sakinlərin sözlərinə görə, onlar bu cür kütləvi quş ölümü ilə ilk dəfə qarşılaşırlar və vəziyyət ciddi narahatlıq doğurur.

Mütəxəssislər bildirirlər ki, qarabatdaq quşlarının ölümünə bir neçə amil səbəb ola bilər. Ehtimallar arasında qida çatışmazlığı, suyun çirklənməsi, zəhərlənmə, iqlim dəyişiklikləri və virus mənşəli xəstəliklər yer alır.

Qeyd olunur ki, hadisənin dəqiq səbəblərinin müəyyənləşdirilməsi üçün müvafiq qurumlar tərəfindən araşdırmalar aparılmalıdır.