Gəncədə kanalizasiya təmiri zamanı partlayış: üç nəfər yaralandı [xfgiven_qirmizi] [xfvalue_qirmizi] [/xfgiven_qirmizi]
Gəncə şəhərinin Sevinc qəsəbəsində kanalizasiya quyusunun təmiri zamanı partlayış baş verib.
İlkin məlumata görə, hadisə quyudan keçən qaz xəttində sızma nəticəsində yaranıb. Fəhlələr dəmir boruda qaynaq işləri apararkən qəfil partlayış olub. Nəticədə qaynaqçı, 1968-ci il təvəllüdlü Əli Paşayev və fəhlələr – 1984-cü il təvəllüdlü Anar Zamanov, 1989-cu il təvəllüdlü Mahir Bağırov yanıq xəsarətləri alıblar.
Yaralılar dərhal xəstəxanaya yerləşdirilib, vəziyyətləri həkim nəzarətindədir. Hadisə ilə bağlı araşdırma aparılır.
