Azərbaycanda tütün məmulatları və içki istehsalında azalma qeydə alınıb.
Realmedia xəbər verir ki, Dövlət Statistika Komitəsinin (DSK) rəsmi məlumatlarına əsasən, ötən illə müqayisədə ölkədə tütün məmulatlarının istehsalı 13,2 faiz, içki istehsalı isə 1,6 faiz azalıb.
Bununla yanaşı, hesabat dövründə qida məhsullarının istehsalında 9,8 faiz artım müşahidə olunub.
Məlumata görə, qida sənayesinin əsas məhsullarından olan makaron məmulatlarının istehsalı 2,5 dəfə, şəkər və qənd istehsalı isə 24,4 faiz artıb.
Eyni zamanda meyvə-tərəvəz konservlərinin istehsalı 1,8 faiz, araq istehsalı isə 5,1 faiz azalıb.
Qeyd edək ki, açıqlanan göstəricilər ölkədə istehsal sahələrində baş verən mövcud tendensiyaları əks etdirir.