ABŞ-də yaşayan azərbaycanlı itkin düşüb [xfgiven_qirmizi] [xfvalue_qirmizi] [/xfgiven_qirmizi]
ABŞ-nin Ohayo ştatının Klivlend şəhərində yaşayan azərbaycanlı Elmar Mirzəyev itkin düşüb.
Realmedia xəbər verir ki, bu barədə “Report”un ABŞ bürosuna istinadən ABŞ-də yaşayan Azərbaycan icmasının üzvləri məlumat yayıblar.
Bildirilib ki, Salyan rayonundan olan E.Mirzəyevdən artıq 4–5 gündür heç bir xəbər alınmır. Valideynləri və yaxınları onun taleyindən ciddi şəkildə narahatdır.
Məlumata görə, Elmar Mirzəyev Klivlend şəhərində yerləşən italyan restoranlarından birində çalışıb.
Məsələ ilə bağlı ABŞ-də yaşayan həmvətənlərimiz Diasporla İş üzrə Dövlət Komitəsinə də məlumat veriblər. Hazırda E.Mirzəyevin tapılması istiqamətində axtarış və araşdırma işləri davam etdirilir.
