İranın Hörmüzgan əyalətinin Sirik şəhəri yaxınlığında silsilə partlayışlar qeydə alınıb.

Realmedia.info xəbər verir ki, bu barədə İranın İRİB dövlət teleradioşirkəti məlumat yayıb.

Məlumata görə, partlayışların baş verdiyi dəqiq məkan və hadisənin səbəbi hələlik müəyyən edilməyib. Hazırda aidiyyəti qurumlar tərəfindən araşdırma aparılır.

Hadisə bölgəsində vəziyyət nəzarətdə saxlanılır. Partlayışlar nəticəsində ölən və yaralananların olub-olmaması barədə isə hələlik rəsmi məlumat verilməyib.

Qeyd edək ki, bundan əvvəl İran Silahlı Qüvvələrinin “Xatəm əl-Ənbiyə” Mərkəzi Qərargahı ABŞ-nin ölkə ərazisinə təkrar zərbələri fonunda Tehranın Hörmüz boğazı vasitəsilə gəmilərin hərəkətini tamamilə dayandırmaq qərarı verdiyini açıqlamışdı.

Bununla yanaşı, SEPAH-ın Hərbi Dəniz Qüvvələri Hörmüz boğazından keçməyə cəhd göstərən ən azı iki gəminin vurulduğunu bəyan etmişdi.

Hadisənin bölgədəki gərginlik fonunda baş verməsi diqqət çəkir.