Mirzoyan: TRIPP layihəsi üzrə sənədlərin razılaşdırılması mərhələsindəyik [xfgiven_qirmizi] [xfvalue_qirmizi] [/xfgiven_qirmizi]
Ermənistanın xarici işlər naziri Ararat Mirzoyan TRIPP layihəsi ilə bağlı prosesin hazırkı vəziyyətinə aydınlıq gətirib.
Onun sözlərinə görə, hazırda layihə üzrə sənədlərin razılaşdırılması mərhələsi davam edir və növbəti mərhələdə konkret müqavilənin imzalanması nəzərdə tutulur.
“Hazırda biz danışıqları davam etdiririk, məlumat mübadiləsi aparırıq və nəticədə hökumətlərarası saziş kimi bir şey olmalıdır. Bu məsələ üzrə danışıqlar səngiməyib, biz məhz bu vaxt üçün planlaşdırdığımız mərhələdəyik və iş davam edir”, – deyə Mirzoyan bildirib.
Qeyd edək ki, layihə ilə bağlı tərəflər arasında müzakirələr davam edir və yekun razılaşmanın əldə olunması üçün diplomatik təmaslar sürdürülür.
