Bəhreyn, Qətər, Küveyt, Birləşmiş Ərəb Əmirlikləri, Oman və Səudiyyə Ərəbistanı da daxil olmaqla Körfəz Ərəb ölkələri İranın hücumlarına cavab verməyə hazır olduqlarını açıqlayıblar.

Bu barədə Körfəz Əməkdaşlıq Şurası (KƏŞ) üzv dövlətlərinin xarici işlər nazirlərinin birgə iclasından sonra yayılan rəsmi bəyanatda bildirilib.

Bəyanatda qeyd olunur ki, Nazirlər Şurası İranın quruma üzv dövlətlərinə qarşı əsassız təcavüzünü nəzərə alaraq, öz təhlükəsizliklərini təmin etmək məqsədilə bütün zəruri addımların atılacağını təsdiqləyib.

“Nazirlər Şurası İranın quruma üzv dövlətlərinə qarşı əsassız təcavüzü fonunda, cavab tədbirləri hüququ da daxil olmaqla, təhlükəsizliyin qorunması üçün bütün zəruri tədbirləri görmək əzmində olduqlarını bir daha vurğulayıb”, – deyə sənəddə bildirilir.

Rəsmi açıqlamada həmçinin regional sabitliyin qorunmasının vacibliyi qeyd olunub və üzv dövlətlərin birgə təhlükəsizlik mexanizmlərini gücləndirmək istiqamətində koordinasiyanı davam etdirəcəkləri vurğulanıb.