İsrail İran prezidentinin iqamətgahını və 30-a yaxın hədəfi vurub, Tehranda həyəcan siqnalları [xfgiven_qirmizi] [xfvalue_qirmizi] [/xfgiven_qirmizi]
İsrail mediasının məlumatına görə, İsrail qüvvələri tərəfindən İran ərazisində bir sıra zərbələr endirilib. Hədəflər arasında İran Prezidenti Məsud Pezeşkianın iqamətgahı, kəşfiyyat qərargahları və digər strateji obyektlər olduğu bildirilib. Ümumilikdə təxminən 30-a yaxın hədəf vurulub.
Hadisə nəticəsində Tehranda həyəcan siqnalları işə düşüb, təhlükəsizlik qüvvələri və təcili yardım briqadaları səfərbər edilib. Paytaxt sakinlərinə təhlükəsizlik tədbirlərinə əməl etmək barədə xəbərdarlıqlar verilib.
Rəsmi Tehran hələ bu zərbələr və iddialarla bağlı açıqlama verməyib. Hazırda yayılan məlumatlar əsasən İsrail mediasına istinad edir və hadisənin tam təfərrüatları gözlənilir.
