03 dekabr 2025-ci il tarixində Mənzil İnşaatı Dövlət Agentliyinin (MİDA) növbəti layihələri üzrə 627 mənzilin “Elektron hökumət” portalı (www.e-gov.az) üzərindən “Güzəştli mənzil” sistemi vasitəsilə satışı zamanı sistemin təhlükəsiz fəaliyyəti Dövlət Təhlükəsizliyi Xidməti (DTX), Xüsusi Rabitə və İnformasiya Təhlükəsizliyi Dövlət Xidməti və MİDA tərəfindən təmin edilib.

Mənzil seçimi zamanı müxtəlif kiberhücum cəhdləri aşkar edilərək operativ şəkildə neytrallaşdırılıb. Araşdırma zamanı müəyyən edilib ki, Azərbaycan vətəndaşları C.Süleymanlı və T.Abdulov, digər vətəndaşlara güzəştli mənzil əldə etməkdə qanunsuz üstünlük yaratmaq məqsədilə xüsusi proqram təminatından istifadə edərək MİDA-nın sisteminə müdaxilə ediblər.
Faktla bağlı DTX-də cinayət işi başlanıb və istintaq-əməliyyat tədbirləri davam etdirilir.