Milli Hidrometeorologiya Xidməti ölkə ərazisində gözlənilən güclü küləkli hava şəraiti ilə bağlı sarı və narıncı xəbərdarlıq elan edib.

Realmedia.info xəbər verir ki, xəbərdarlıq iyunun 20-si gündüzdən 22-dək Bakıda və Abşeron yarımadasında, eləcə də bir sıra bölgələrdə müşahidə olunacaq.

Məlumata əsasən, Naxçıvan Muxtar Respublikası, Bərdə, Tərtər, Yevlax, Ağdam, Ağcabədi, Beyləqan, Quba, Qusar, Xaçmaz, Şabran, Siyəzən, Xızı, Neftçala, Salyan, Saatlı, Sabirabad, İmişli, Lənkəran, Masallı, Astara, Lerik, Yardımlı, Cəlilabad, Biləsuvar, Kəlbəcər, Laçın, Füzuli, Cəbrayıl, Zəngilan, Qazax, Ağstafa, Tovuz, Şəmkir, Gədəbəy, Göygöl, Hacıqabul və Samux rayonlarında sarı xəbərdarlığa uyğun olaraq şərq küləyinin əsəcəyi, küləyin sürətinin 13.9-20.7 m/s təşkil edəcəyi bildirilir.

Bakı və Abşeron yarımadası, Mingəçevir, Gəncə, Naftalan, Goranboy və Daşkəsən ərazilərində isə narıncı xəbərdarlıq səviyyəsində şimal-qərb küləyinin əsəcəyi, küləyin sürətinin 20.8-28.4 m/s-dək güclənəcəyi qeyd olunub.

Qurum vətəndaşlara güclü külək zamanı ehtiyatlı olmağı tövsiyə edib.