2 iyun – Azərbaycanda Mülki Aviasiya İşçilərinin Peşə Bayramı Günü münasibətilə Azərbaycan Hava Yolları-nın kollektivi və mülki aviasiya sahəsinin digər nümayəndələri Fəxri xiyabanı ziyarət ediblər.

Tədbir iştirakçıları müasir müstəqil Azərbaycanın memarı və qurucusu, Heydər Əliyevin məzarı önünə gül dəstələri qoyaraq onun əziz xatirəsini dərin ehtiramla yad ediblər.
Ziyarət zamanı görkəmli oftalmoloq-alim, akademik Zərifə Əliyevanın da xatirəsi anılıb, məzarı üzərinə gül dəstələri düzülüb.

Mülki aviasiya işçilərinin peşə bayramı münasibətilə keçirilən ziyarət mərasimi ölkənin mülki aviasiya sahəsində çalışanların ümummilli dəyərlərə və tarixi şəxsiyyətlərə göstərdiyi ehtiramın ifadəsi kimi qiymətləndirilib.