Azərbaycanlı şagirddən möhtəşəm uğur – 82 min dollarlıq təqaüd qazandı [xfgiven_qirmizi] [xfvalue_qirmizi] [/xfgiven_qirmizi]
Azərbaycanlı məktəbli beynəlxalq səviyyədə böyük uğura imza atıb. Pirəkəşkül kənd tam orta məktəbinin şagirdi Nilufər Hüseynli dünyanın nüfuzlu ali təhsil ocaqlarından biri olan NYU Shanghai universitetinə tam təqaüdlə qəbul olunub.
Məlumata görə, o, illik 82 min ABŞ dolları məbləğində maliyyə dəstəyi qazanıb. Bu təqaüd təhsil haqqı və digər akademik xərcləri əhatə edir.
Qeyd olunur ki, universitetə qəbul prosesi olduqca rəqabətlidir və seçim zamanı namizədlərin akademik göstəriciləri, sosial fəallığı və liderlik bacarıqları nəzərə alınır. Nilufər Hüseynlinin əldə etdiyi nəticə Azərbaycanlı şagirdlərin beynəlxalq səviyyədə yüksək potensiala malik olduğunu bir daha nümayiş etdirir.
