Bu il Ramazan ayının başlanacağı tarix açıqlanıb. Astronomik hesablamalara əsasən, fevralın 18-də Azərbaycan səmasında yeni ayın görünəcəyi proqnozlaşdırılır. Bununla da müqəddəs Ramazan ayının fevralın 19-da başlayacağı gözlənilir.

Realmedia xəbər verir ki, Ramazan ayı boyunca müsəlmanlar oruc tutacaq, ibadət və dualarını artıracaqlar.

Müqəddəs ayda Qədr gecələrinin 8, 10, 12 və 16 mart tarixlərinə təsadüf edəcəyi bildirilir. Qədr gecələri Ramazan ayının ən fəzilətli gecələri hesab olunur və bu gecələrdə edilən duaların qəbul olunduğuna inanılır.

Təqvimə əsasən, Ramazan bayramı Azərbaycanda martın 20 və 21-də qeyd ediləcək. Bayram günlərində ölkə üzrə rəsmi istirahət günləri elan olunacaq.