2026-cı il yanvarın 1-dən etibarən Azərbaycanda vergi, sosial sığorta, aksiz və digər sahələri əhatə edən bir sıra mühüm dəyişikliklər qüvvəyə minib. Realmedia.az xəbər verir ki, yeni ildən tətbiq olunan əsas yeniliklər aşağıdakılardır:
🔹 Tütün məmulatları və elektron siqaretlər üzrə aksiz vergiləri artırılıb.
🔹 İdxal olunan köhnə minik avtomobilləri üçün yeni aksiz dərəcələri müəyyən edilib.
🔹 Qeyri-formal işləyən şəxslər icbari tibbi sığorta haqqını özləri ödəyəcək. Bu məbləğ ayda 16 manat təşkil edir.
🔹 Azərbaycana gətirilən 1 ədəddən artıq mobil telefonun qeydiyyatı üçün 100 manat rüsum tətbiq olunur.
🔹 Evlərini kirayə verən fiziki şəxslər üçün vergi dərəcəsi 14 faizdən 10 faizə endirilib.
🔹 Elektrik enerjisi və təbii qaz üzrə aylıq 1 manat sabit tarif tətbiq edilib.
🔹 Qeyri-neft-qaz özəl sektorda 2500 manata qədər əməkhaqqından 3 faiz gəlir vergisi tutulacaq.
🔹 Azərbaycanda kişi və qadınların pensiya yaşı bərabərləşdirilərək 65 yaş müəyyən edilib.
🔹 Hibrid və elektromobillərin idxalı və satışına tətbiq edilən ƏDV güzəştinin müddəti başa çatıb.
🔹 Azərbaycanda yığılan elektrikli avtobuslar ƏDV-dən azad edilib.
🔹 Media subyektləri vergilərdən azad olunub.
🔹 Bankların iflas proseduru zamanı aktivlərin təqdim edilməsi ƏDV-dən azad edilir.
🔹 Yaşayış minimumu və ehtiyac meyarı 300 manat müəyyən olunub.
🔹 Benzin, dizel və maye qaza görə yol vergisi 3,5 dəfə artırılıb. Belə ki, hər litr üçün ödəniş 0,02 manatdan 0,07 manata qaldırılıb.
🔹 Mülkiyyətində olan torpaqlarda işləyən şəxslər üçün sosial sığorta haqları artırılıb.
🔹 Vəkil və mediatorların ödədiyi sosial sığorta haqları yüksəldilib.
🔹 Fərdi sahibkarların sosial sığorta ödənişlərində artım edilib.
🔹 Fərdi iş sahibləri (dərzi, aparıcı, çalğıçı və s.) üçün sosial sığorta haqqı minimum aylıq əməkhaqqının 5 faizi əvəzinə 8 faizi səviyyəsində müəyyən edilib.
🔹 Kişi və qadın salonları, eləcə də kosmetoloji mərkəzlərin xidmətlərində ƏDV geri qaytarılacaq.
🔹 Alkoqollu içkilər və enerji içkiləri üzrə aksiz dərəcələri artırılıb.
Qeyd edək ki, bu dəyişikliklər dövlət büdcəsinin gəlirlərinin artırılması, sosial müdafiə mexanizmlərinin gücləndirilməsi və iqtisadi tənzimləmələrin təkmilləşdirilməsi məqsədi daşıyır.