Azərbaycan Respublikasının Prezidenti İlham Əliyev Xorvatiya Respublikasının Prezidenti Zoran Milanovićə Dövlətçilik Günü münasibətilə təbrik məktubu ünvanlayıb.
Məktubda Prezident İlham Əliyev Xorvatiyanın milli bayramı münasibətilə dövlət başçısına və Xorvatiya xalqına ən səmimi təbriklərini çatdırıb.

Dövlət başçısı vurğulayıb ki, Azərbaycan ilə Xorvatiya arasında dostluq və əməkdaşlıq münasibətləri xoş ənənələrə əsaslanır. O, konstruktiv dialoqun davam etdirilməsinin, ikitərəfli əlaqələrin daha da möhkəmləndirilməsinin və əməkdaşlığın genişləndirilməsinin xalqların rifahına xidmət edəcəyinə əminliyini ifadə edib.

Prezident İlham Əliyev məktubunun sonunda Zoran Milanoviçə möhkəm cansağlığı, fəaliyyətində uğurlar, dost Xorvatiya xalqına isə daim əmin-amanlıq və rifah arzulayıb.