İran və ABŞ arasında münaqişənin nizamlanması üzrə İslamabad şəhərində keçirilən danışıqlar prosesi hazırda faktiki olaraq dondurulub.

Bu barədə “Al-Arabiya” telekanalı pakistanlı mənbəyə istinadən məlumat yayıb. Bildirilib ki, danışıqların tam ləğvindən söhbət getmir, lakin proses dayandırılıb və qeyri-müəyyən müddətə dondurulub.

Mənbənin sözlərinə görə, danışıqların bərpa olunması üçün həm İran, həm də ABŞ tərəfindən qarşılıqlı güzəştlər tələb olunur. Eyni zamanda qeyd edilib ki, hazırda müzakirələrdə irəliləyiş olduqca zəifdir.

Pakistanlı diplomatın sözlərinə görə, əsas maneələrdən biri ABŞ tərəfindən tətbiq edilən dəniz blokadasının davam etməsidir. İran isə bu blokadanın aradan qaldırılmasını danışıqların davam etdirilməsi üçün əsas şərt kimi irəli sürür.

Qeyd edək ki, son dövrlərdə regionda gərginlik artmaqda davam edir və tərəflər arasında qarşılıqlı sərt bəyanatlar səsləndirilir. Bu isə danışıqların yaxın zamanda bərpasını daha da çətinləşdirir.