Fevralın 6-da Üzeyir Hacıbəyli adına Bakı Musiqi Akademiyasının təşkilatçılığı, Heydər Əliyev Fondu, Mədəniyyət Nazirliyi və “Gilan” şirkətinin dəstəyi ilə təşkil olunan Qəbələ “Qış nağılı” II Beynəlxalq Musiqi Festivalının təntənəli açılış mərasimi baş tutub.

Realmedia.az xəbər verir ki, tədbirdə Heydər Əliyev Fondunun vitse-prezidenti Leyla Əliyeva, Fondun icraçı direktoru Anar Ələkbərov, mədəniyyət naziri Adil Kərimli, digər rəsmi şəxslər, tanınmış ictimai xadimlər, Qəbələ sakinləri və qonaqlar iştirak ediblər.

Qeyd edək ki, festival çərçivəsində yerli və xarici musiqiçilərin iştirakı ilə müxtəlif konsert proqramları təqdim olunacaq. Tədbirin Qəbələnin mədəni həyatına xüsusi rəng qatdığı vurğulanıb.