Heydər Əliyev Fondunun vitse-prezidenti Leyla Əliyeva Oman Sultanlığına səfəri çərçivəsində bu ölkənin Kiçik və Orta Müəssisələrin İnkişafı Qurumunun sədri Hayma Al Zari ilə görüşüb.

Görüş zamanı Azərbaycan ilə Oman arasında müxtəlif sahələrdə, xüsusilə də kiçik və orta biznesin inkişafı, sahibkarlığın təşviqi və sosial-iqtisadi əməkdaşlıq imkanları müzakirə olunub. Tərəflər qarşılıqlı təcrübə mübadiləsinin əhəmiyyətini vurğulayıb, gələcəkdə birgə layihələrin həyata keçirilməsi perspektivləri ətrafında fikir mübadiləsi aparıblar.

Leyla Əliyeva Heydər Əliyev Fondunun fəaliyyət istiqamətləri, fondun sosial, humanitar və inkişaf yönümlü layihələri barədə məlumat verib. Hayma Al Zari isə Oman Sultanlığında kiçik və orta müəssisələrin dəstəklənməsi istiqamətində görülən işlərdən bəhs edib.

Görüş iki ölkə arasında əməkdaşlığın daha da genişləndirilməsi baxımından əhəmiyyətli qiymətləndirilib.
Mənbə: Realmedia