Azərbaycan ilə Birləşmiş Ərəb Əmirlikləri (BƏƏ) arasında heyvan sağlamlığı və qida təhlükəsizliyi sahəsində əməkdaşlığı gücləndirəcək Anlaşma Memorandumu imzalanıb.

"Realmedia.info"nun məlumatına görə, sənəd Azərbaycan Qida Təhlükəsizliyi Agentliyi ilə BƏƏ İqlim Dəyişikliyi və Ətraf Mühit Nazirliyi tərəfindən imzalanıb.

Memorandum çərçivəsində yoluxucu heyvan xəstəliklərinin yayılmasının qarşısının alınması və məhdudlaşdırılması üzrə birgə səylər dəstəklənəcək, heyvan sağlamlığı və ictimai sağlamlığın qorunması prioritet sahələr kimi müəyyən olunacaq. Həmçinin, sağlamlıq və baytarlıq sertifikatlarının nümunələrinin mübadiləsi və digər qida təhlükəsizliyi məsələlərində qarşılıqlı əməkdaşlıq genişləndiriləcək.

Sənəd iki ölkə arasında ticarət və baytarlıq sahəsində əlaqələrin möhkəmləndirilməsinə və qida təhlükəsizliyi standartlarının yüksəldilməsinə xidmət edəcək.