Hadisə şahidlərindən biri baş verən yanğınla bağlı dəhşətli anları təsvir edib.



Realmedia.info xəbər verir ki, şahidin sözlərinə görə, qızı qəfil qapını döyərək binada yanğın olduğunu bildirib.
“Qızım birdən qapını bərk döydü. Dedim ki, nə baş verib. Dedi ki, bina yanır, tez çıxın. Hər tərəfi tüstü basmışdı, göz-gözü görmürdü”, – deyə o bildirib.

Şahid qeyd edib ki, uzun müddətdir binada təhlükəli şəraitlə bağlı narahatlıqlar olub:

“Mən həmişə deyirdim ki, pizzanı elektrik sobasında hazırlasınlar. Amma odun və taxta ilə bişirirdilər. Bu, UNESCO siyahısına düşmüş, 100 ildən çox yaşı olan tarixi binadır. Üzərində də ‘toxunulmaz bina’ lövhəsi var idi.”

Onun sözlərinə görə, bina bir neçə il əvvəl satılıb və burada restoran fəaliyyəti başlayıb. Qonşular isə dəfələrlə aidiyyəti qurumlara müraciət edərək təhlükəli vəziyyət barədə xəbərdarlıq ediblər.

“Dörd-beş ailə etiraz edirdi. Hər yerə zəng etdik, dedik ki, bu obyekt bağlansın. Amma heç bir tədbir görülmədi. Nəticədə bina yandı”, – deyə şahid əlavə edib.