İsveçrədə ABŞ nümayəndələri ilə danışıqlar aparan İran nümayəndə heyəti proseslə bağlı mövqeyini açıqlayıb.

Realmedia.info xəbər verir ki, İran tərəfi ABŞ Prezidenti Donald Trampın görüşlər zamanı səsləndirdiyi təhdid xarakterli bəyanatlara görə üzr istəməyənədək rəsmi danışıqları davam etdirmək niyyətində olmadığını bildirib.

Məlumata görə, İran nümayəndə heyəti Trampın açıqlamalarından sonra danışıqlar formatından geri çəkilib.

Bununla yanaşı, "Al Mayadeen" telekanalının məlumatına əsasən, İran tərəfi yalnız Livanda hərbi əməliyyatların dayandırılmasını deyil, eyni zamanda İsrail qoşunlarının Cənubi Livandan çıxarılmasını da tələb edir.

Digər tərəfdən, "Al Hadath" telekanalı İsveçrədə İran və ABŞ nümayəndələri arasında danışıqların vasitəçilərin iştirakı ilə davam etdiyini bildirib.

Məlumata görə, İranın rəsmi nümayəndə heyəti otelə qayıtsa da, danışıqlar qeyri-rəsmi formatda davam etdirilir.