Vaşinqton administrasiyası İranla danışıqları yalnız Hörmüz boğazının gəmiçilik üçün açıq qalması şərtilə aparmaq niyyətindədir.

Realmedia.info xəbər verir ki, bu barədə Ağ Evin mətbuat katibi Kerolayn Livitt jurnalistlər üçün keçirilən brifinqdə açıqlama verib.

Ağ Ev iddia edir ki, İran ABŞ-yə “tamamilə fərqli” 10 bənddən ibarət sülh planı təqdim edib və danışıqlar üçün əsas kimi məhz bu sənəd götürülüb.

“Prezident Donald Tramp yalnız ABŞ-nin maraqlarına tamamilə uyğun gələn saziş bağlayacaq”, – deyə Livitt bildirib.

Onun sözlərinə görə, danışıqçılar qrupu növbəti iki həftə ərzində bu məsələyə xüsusi diqqət yetirəcək və bu müddətdə boğazın məhdudiyyətsiz, fasiləsiz açıq qalması vacib şərt kimi irəli sürülür.

Bundan əlavə, ABŞ administrasiyası İranın Hörmüz boğazını bağlaması ilə bağlı yayılan məlumatların həqiqətə uyğun olmadığını da qeyd edib.