ABŞ Prezidenti Donald Tramp İranın nüvə proqramı ilə bağlı növbəti dəfə sərt açıqlama verib.

Realmedia.info xəbər verir ki, Tramp bildirib ki, Vaşinqton İran məsələsini ciddi şəkildə nəzarətdə saxlayır və Tehran nüvə silahına sahib ola bilməz:

“İranla bağlı bəzi işlərimiz var. Onların nüvə silahı ola bilməz — bu barədə onlara çox sərt şəkildə məlumat verilib”.
ABŞ lideri İranın nüvə silahı əldə etməsinin qarşısının alınmasının ABŞ xarici siyasətinin əsas prioritetlərindən biri olduğunu vurğulayıb.

Məlumatlara görə, Tramp administrasiyası bu istiqamətdə diplomatik təzyiq və danışıqlar prosesini davam etdirir. Vaşinqton İranın nüvə proqramının tam şəkildə məhdudlaşdırılmasını tələb edir.

Qeyd edək ki, son dövrlərdə ABŞ və İran arasında nüvə məsələsi ilə bağlı gərginlik yenidən artıb və beynəlxalq gündəmdə əsas müzakirə mövzularından biri olaraq qalır.