ABŞ Prezidenti Donald Tramp İranda mövcud hakimiyyətə qarşı sərt mövqe sərgiləyib. O, “Politico” nəşrinə verdiyi müsahibədə İran üçün yeni rəhbərliyin vacibliyini vurğulayıb.
Realmedia.info xəbər verir ki, Donald Tramp İranın hazırkı siyasi rəhbərliyini tənqid edərək bildirib ki, ölkə uzun illərdir yanlış idarə olunur və bu idarəetmə həm İran xalqına, həm də regionun sabitliyinə ciddi zərər vurur.
ABŞ Prezidenti qeyd edib ki, Tehran rəhbərliyi xalqın rifahı əvəzinə zorakılıq və təzyiq yolunu seçib. Trampın sözlərinə görə, bu yanaşma İranı çıxılmaz vəziyyətə salıb və artıq ölkə üçün fərqli, məsuliyyətli bir idarəetməyə ehtiyac var.
“İrana yeni rəhbər axtarmağın vaxtı çatıb”, – deyə Tramp müsahibəsində vurğulayıb.
Qeyd edək ki, Trampın bu açıqlaması İran daxilində və beynəlxalq aləmdə müzakirələrə səbəb olub. Rəsmi Tehran isə ABŞ Prezidentinin bəyanatlarını ölkənin daxili işlərinə müdaxilə kimi qiymətləndirir.
Mövzu ilə bağlı tərəflərin açıqlamalarını diqqətdə saxlayacağıq.