Ayətullah Seyid Əli Xameneinin oğlu Müctəba Xamenei İranın yeni Ali Rəhbəri seçilib.
Bu barədə İranın dövlət mediası məlumat yayıb. Bildirilir ki, müvafiq qərar İranın Ekspertlər Şurası tərəfindən keçirilən səsvermə nəticəsində səs çoxluğu ilə qəbul olunub.
Məlumata əsasən, Müctəba Xamenei İran İslam Respublikasının üçüncü Ali Rəhbəri kimi fəaliyyət göstərəcək.
Qeyd edək ki, İranın əvvəlki Ali Rəhbəri Ayətullah Seyid Əli Xamenei fevralın 28-də İsrail və ABŞ tərəfindən həyata keçirildiyi bildirilən aviazərbələr nəticəsində həlak olub. O, 1989–2026-cı illər ərzində İranın ikinci Ali Rəhbəri vəzifəsini icra edib.
Xatırladaq ki, İran İslam Respublikasında Ali Rəhbər ölkənin ali siyasi və dini lideri hesab olunur və bu vəzifəyə seçimi Ekspertlər Şurası həyata keçirir.