ABŞ Prezidenti Donald Tramp bildirib ki, İranın yeni rəhbərliyi Ağ Evlə danışıqlara maraq göstərir.

Realmedia.info xəbər verir ki, o, bu barədə The Atlantic jurnalına müsahibəsində danışıb. Tramp qeyd edib ki, Vaşinqton Tehranla dialoqa hazırdır:

“Onlar bunu daha tez etməli idilər. Onlar razılığa gələ bilərdilər”, – deyə ABŞ lideri vurğulayıb.
O, həmçinin son həftələrdə danışıqlarda iştirak edən bəzi iranlı şəxslərin həyatını itirdiyini iddia edib: “Həmin insanların əksəriyyəti ölüb”.

Bundan əvvəl İsrail–ABŞ birgə əməliyyatı zamanı İranın ali dini lideri Ayətullah Əli Xamenei və bir neçə yüksək vəzifəli İran rəsmisinin öldürüldüyü barədə məlumatlar yayılmışdı. Lakin rəsmi mənbələr tərəfindən bu iddialarla bağlı təsdiqlənmiş açıqlama verilməyib.

Mövzu ilə bağlı əlavə məlumatlar olduqca ictimaiyyətə təqdim olunacaq.