Masallı rayonunda Ulu Öndər Heydər Əliyevin anadan olmasının 103-cü ildönümünə həsr olunmuş “Azərbaycanın siyasi, iqtisadi, hərbi qüdrətinin inkişafında Heydər Əliyevin rolu” mövzusunda geniş tərkibli konfrans təşkil edilib.

Realmedia.info xəbər verir ki, tədbir Masallı Rayon İcra Hakimiyyəti, Yeni Azərbaycan Partiyası Masallı rayon təşkilatı və Masallı Dövlət Regional Kollecinin birgə təşkilatçılığı ilə keçirilib.

Konfrans iştirakçıları əvvəlcə Ümummilli Liderin abidəsini ziyarət edərək önünə gül dəstələri düzüb, daha sonra “Şəhidlər” abidə-kompleksini ziyarət edərək Vətən uğrunda canını fəda edənlərin xatirəsini ehtiramla yad ediblər.
Tədbir Heydər Əliyev Mərkəzində davam etdirilib. Burada Ulu Öndərin həyat və fəaliyyətini əks etdirən foto və sənədlərdən ibarət sərgi nümayiş olunub.

Konfransda çıxış edən Masallı Rayon İcra Hakimiyyətinin başçısı Araz Əhmədov, YAP Masallı rayon təşkilatının sədri Seyfəddin Əliyev, Milli Məclisin deputatı Məşhur Məmmədov və digər natiqlər Heydər Əliyevin müstəqil Azərbaycanın qurulması və inkişafındakı əvəzsiz rolundan danışıblar.

Çıxışlarda Prezident İlham Əliyevin rəhbərliyi ilə Ulu Öndər siyasətinin uğurla davam etdirildiyi, ölkənin sosial-iqtisadi inkişafının sürətləndiyi və “Böyük Qayıdış” proqramının həyata keçirildiyi vurğulanıb.

Sonda müxtəlif mövzularda məruzələr dinlənilib, tədbir bədii hissə ilə davam edib və fəal iştirakçılara fəxri fərmanlar və hədiyyələr təqdim olunub.