TƏBİB-in yaydığı məlumata görə, qurumun Müşahidə Şurasının iclasında yeni icraçı direktorun təyinatı məsələsi müzakirə olunub. Qərara əsasən, Anar Bayramov TƏBİB-in İcraçı direktoru vəzifəsinə təyin edilib.

Təyinat Azərbaycan Respublikası Prezidentinin 20 dekabr 2018-ci il tarixli 418 nömrəli Fərmanının 3.3-cü bəndinə uyğun olaraq həyata keçirilib.

Qeyd edək ki, Anar Bayramov Azərbaycan Tibb Universiteti məzunudur. O, təhsil aldığı dövrdə Akademik Mirqasımov adına təqaüdə layiq görülüb və universiteti qırmızı diplomla bitirib. Daha sonra Azərbaycan Dövlət İqtisad Universiteti-nin İqtisadiyyat və İdarəetmə ixtisası üzrə magistratura təhsili alaraq fərqlənmə diplomu əldə edib.

Anar Bayramov 2003-cü ildən tibb üzrə fəlsəfə doktorudur.