Realmedia.info xəbər verir ki, bu barədə qərar Rəqəmsal İnkişaf və Nəqliyyat Nazirliyi tərəfindən qəbul edilib və tapşırıqlar qurumun tabeliyində fəaliyyət göstərən İnformasiya Kommunikasiya Texnologiyaları Agentliyinə verilib.

Yeni qaydalara əsasən, ölkədə fəaliyyət göstərən xidmət təchizatçıları – operator və provayderlər şəbəkə dayanıqlılığına təhlükə yaradan qəzalar və kütləvi kəsintilər barədə ictimaiyyəti məlumatlandırmalıdır. Bunun üçün normativ hüquqi sənədlərə müvafiq dəyişikliklərin edilməsi nəzərdə tutulur.

Eyni zamanda, planlaşdırılan internet kəsintiləri barədə əvvəlcədən məlumatların müxtəlif internet informasiya resurslarında yerləşdirilməsi təmin ediləcək.

Qeyd edək ki, görüləcək işlərin 2026-cı il avqustun 31-dək yekunlaşdırılması planlaşdırılır.