Zığ dairəsi–Hava Limanı yolunda sürət həddi endirildi [xfgiven_qirmizi] [xfvalue_qirmizi] [/xfgiven_qirmizi]
Bakıda müşahidə olunan yağmurlu hava şəraiti səbəbindən Zığ dairəsi–Hava Limanı istiqamətində yol hərəkəti ilə bağlı məhdudiyyət tətbiq edilib.
Məlumata görə, qeyd olunan ərazidə bəzi hərəkət zolaqları üzrə sürət həddi 20 km/saatadək endirilib. Bununla bağlı Nəqliyyatı İntellektual İdarəetmə Mərkəzinin əməkdaşları tərəfindən məlumat-sürət tablolarında müvafiq dəyişikliklər aparılıb.
Eyni zamanda, bütün elektron tablolarda sürücülərin diqqətini artırmaq məqsədilə “sürüşkən yol” xəbərdarlıq nişanı yerləşdirilib.
Sürücülərə mövcud hava şəraitini nəzərə alaraq, müəyyən edilmiş sürət həddinə riayət etmələri və təhlükəsizlik qaydalarına ciddi əməl etmələri tövsiyə olunur.
