İyunun 22-də Azərbaycan Respublikasının Prezidenti və Türkmənistan Prezidenti nin iştirakı ilə iki ölkə arasında imzalanmış sənədlərin mübadiləsi mərasimi keçirilib.

Realmedia.info xəbər verir ki, əvvəlcə Azərbaycan və Türkmənistan prezidentləri Birgə Bəyanatı imzalayıblar.

Daha sonra gömrük, energetika, səhiyyə, kənd təsərrüfatı, sənaye, iqtisadiyyat, əmək və sosial müdafiə, idman, qida təhlükəsizliyi, maliyyə və xarici siyasət sahələrini əhatə edən bir sıra saziş, protokol və anlaşma memorandumları mübadilə olunub.

İmzalanan sənədlər Azərbaycan ilə Türkmənistan arasında strateji tərəfdaşlığın daha da möhkəmləndirilməsinə, iqtisadi əlaqələrin genişlənməsinə və müxtəlif sahələrdə əməkdaşlığın inkişafına xidmət edəcək.