Azərbaycan Mədəniyyət Günləri çərçivəsində Mədəniyyət naziri Adil Kərimlinin rəhbərlik etdiyi geniş nümayəndə heyəti Türkmənistanın paytaxtı Aşqabad şəhərinə səfər edib.

Məlumata görə, mədəniyyət və incəsənət xadimləri, yaradıcı kollektivlər və sənət nümayəndələri Aşqabad Beynəlxalq Hava Limanında səmimi və qonaqpərvərliklə qarşılanıblar.

Hazırda tədbir çərçivəsində keçiriləcək konsert proqramları, sərgilər və digər mədəni layihələrlə bağlı son hazırlıq işləri aparılır.

Qarşıdakı günlərdə Azərbaycan musiqisi, milli rəqsləri, xalçaçılıq, kəlağayı sənəti və digər milli mədəniyyət nümunələri Türkmənistan ictimaiyyətinə təqdim olunacaq.

Azərbaycan və Türkmənistan arasında dostluq və mədəni əlaqələrin daha da gücləndirilməsinə xidmət edən Mədəniyyət Günlərinin zəngin proqramla yadda qalacağı gözlənilir.